Xaalad deganaansho oo aan sidaas usii weyneyn ayaa saaka ka jirtay magaalada B/weyn ee xarunta gobolka Hiiraan , ka dib markii ay ku hardameen kooxaha xizbul islaam iyo  kooxo taageersan ciidamada AHLUSUNAA iyo ciidamo ku abtirsada DFKMG ee soomaaliya.

Dagaaladaasi oo inta badan laysu adeegsaday madaafiicda loo yaqaaaano hoobiyaha ayaa sababatay in dad badan ay ku nafwaayaan iyadoo magaalada B/weyn uu ka dhacay barakicii ugu balaarnaa, waxaana ku dhinatay sedexdii maalmood ay dagaladu socdeen dad lagu qiyaasay 25ruux oo ay kujiraan dad rayid ahi iyo dhinacyada dagaalada ay dhexmarayaan iyadoow  dhaawac fara badan lagu daweeynayo cisbitaalka magaalada B/weyn.

Guud ahaan waraka aya sheegay in mar mar lays weydaarsanaayo madaafiicda hoobiyha  goobaha ay isku horfadhiyaan labada garab taasoo sababatay in uu hakad ku yimaado isu socdka gaadiidka iyo dadkaba.

DFKMG oo si weyn u canbaareysay hadalkii ka soo yeeray dhowan xarakada Alshabaab

Wasiirka madaxtooyada DFKMG ee somaaliya oo shir jaraaid ku qabtay qasriga madaxtooyada ee villa soomaaliya M/Muqdisho ayaa sheegay in wax laga xumaado uu yahay hadalkii ka soo yeeray Afhayeenka xarakada alshabaab oo sheegay in madaxtooyada ay ku sugan yihiin hayado wax qarxiya iyo kuwa xasuuq geeysata oo ka yimid dalal dibadda ahi gaar wadamo Afrikaan ah.

Sidoo kale ayuu afhayeenku shirkiisa jaraaid ku sheegay in dad soomaliya oo wax ma garad ahi ay soo hoggaamiyeen dad ajaanib ah kuwaasoo aanan shacabka soomaaliyeed il naxariis leh ku eegeeynin islamarkaana ay abuuraan waxyaabaha qarxa iyo gumaadka lagu hayo shacabka,in DFMG ay tahay mid shacabka u adeegta islamarkaana ay u heegan yihiin samata bixinta shacabka soomaaliyeed,